| تبليغات | X |
|
شرق دونيا سينين ايکی موسيقی سی نين موقايیسه سی آتالار دئميشكن هر گولون اؤز عطری و اردير. موسيقی لر ايسه بئله دير. هر خالقين موسيقيسی اؤزونه مخصوص اؤز لليكلره مالك دير و همين اؤزلليكلر اونو باشقا خالقلارين موسيقی سيندن آييرير. اما هر حالدا موسيقيلر هامی سی بير سويهده و عينی گؤزلليكلره مالك دئييل. يعنی بعضی موسيقيلر باشقالاريندان داها زنگين و ايرلی لميشدير. بورادا اؤنملی اولان بودور كی خالقلار بيری – بيری ايله حؤرمتله ياناشيب هئچ بيريسی ايسه باشقاسين ازمهيه ، اؤز ايچينده اريتمهيه و يئر اوزوندن سيلمهيه چاليشماسين. بونون يئرينه قاريشيليقلی سايغی و ساغلام مدنی ايلگی لر اولماليدير. باشقا عبارتله دئسك هر خالق اؤز مدنيتين داها يوخاری سويهيه چاتديرماق اوچون باشقا خالقلارين مدنيتندن فايدالانماليدير. موسيقی موضوعوندا ايسه يئنهده خالقلارين بيری - بيری ايله اولان موناسيبتی بئله اولماليدير. هئچ خالقين حقی يوخدور كی اؤز موسيقی سين آيری خالقلارا تحميل ائتسين . البته تحميل اولونان موسيقينين گوجلو يا گوجسوز اولماسی بو مسئلهده هئچ فرقی يوخدور. يعنی بو دوزگون دئييل كی بير خالق اوز موسيقی سين يئرلی يا يئرسيز اولاراق باشقا بير خالقين موسيقی سيندن گوجلو گؤسترمكله ، اونو آرادان آپارماغا چاليشسين. آنجاق ايكی موسيقينين مقايسهسی و اونلارين فرقلريندن ، ضعف و قوت نقطهلريندن سؤز آچماق چوخ گركلی و اؤنملی بير ايشدير. بو ايشين نتيجهسينين داها اعتبارلی و دگرلی اولماسی اوچون بوتون تعصوبلر و غرضلردن گؤز اؤرتمك لازيمدير. بو مقالهده ايستهييريك آذربايجان و ايران موسيقيلرين مقايسه ائدك و چاليشاجاغيق كی بو موقايسهده بو ايكی موسيقينين بوتون ساحهلرده اولان فرقلريندن ، بعضاًده بير ينين بير ساحهده باشقاسيندان اوستون اولماسين گؤز اؤنونه گتيرك. بيز امينيك كی بو موضوعدا چوخلو مقالهلر يازيلميش و چوخلار بو ايكی موسيقينين مقايسهسيندن سؤز آچميشدير. لاكين تأسوفله دئمهلييك كی بو موقايسهلر عموميتله غرض و تعصوب اوزوندن اولدوغو اوچون اؤز اعتبارلارين الدن و ئرميشلر. بوناگؤره ده بيز سؤزوموزون داها اعتيبارلی اولماسی اوچون مسئلهيه غرض گؤزوايله يوخ ، بلكه علم و حقيقت گؤزو ايله باخاجاغيق. 1 – تاريخ : ايلك آتديمدا بو ايكی موسيقينين قيساجا اولاراق يارانما تاريخيندن سؤز گئدجك . بوگون ايران موسيقيسی آدلانان موسيقی ، يالنيز فارس خالقينين موسيقی سی دئييل . بلكه بو ، آذربايجان توركلری توركمنلر ، كوردلر ، بلوچلار ، عربلر ، گيلكلر و فارسلار يعنی بو اؤلكهده ياشايان بوتون خالقلارين موسيقيلرينين بيرلشمهسيندن يارانان بير موسيقيدير. بوناگؤرهده بو موسيقييه هئچ زمان و هئچ كيمسه فارس موسيقيسی دئيهبيلمهميشدير. موقابلده آذربايجان موسيقيسی يالنيز آذربايجان توركلرينين موسيقيسيدير. البته بونادا دانماق اولماز كی آذربايجان موسيقی چيلری يئری گلميشكن ايران و عموميتله دنيا موسيقيسيندن اؤز اثرلرينده فايدالانميشلار. اما بو مسئله هئچ زمان آذربايجان موسيقيسينين توپلاما و ييغما بير موسيقی تانينماسينا سبب اولماميشدير. 2 - سؤزلر : ايران و آذربايجان موسيقيلرينين هر ايكی سينين ان بؤيوك حيصهسين موغاملار و ماهنيلار تشكيل ائدير. بو ايكی موسيقی قاليبيتين دا ان اؤنملی حيصهسی شعر و سؤز دور. بونودا بيليريك كی آذربايجان موغام و ماهنيلاری تورك و ايران موسيقيسی فارس سؤزلرله ايفا اولونور لار. بوناگؤرهده ديل آيريليغی بونلارين ان اساس فرقلريندن بيريدير. بو ايكی موسيقيده ايشله نن سؤزلر يالنيز ديل باخيمندان فرقلنمهيير. بلكه بورادا باشقا بير فرق ده گؤزه دهيير. اودا بودور كی ايران موسيقيسينده ايشلنن شعرلر بوتونلوكجه عروض و زنلرينده يازيلميشلار. اما آذربايجان موسيقی سينده عروضی شعرلردن علاوه هئجا و زنينده يازيلميش شعرلردن ايسه استفاده اولونور. بورادا آيدينلاتماق لازمدير كی هئجا و زنی فارس ادبياتيندا يوخدور و يالنيز تورك ادبياتينا مخصوص دور. 3 - موغاملار : آذربايجان و ايران موغاملاريندا بؤيوك بنزرليك و اوخشارليق گؤزهدهيير. بو ياخينليق او قدر چوخ دور كی اوزاق اؤلكهلرده ياشايان ياد خالقلار ايلك دينلهمهلرده بونلاری بير - بيريندن آييرماغا قادر دئييل. آنجاق بنزرليك نهقدر چوخ اولسادا فرقلر اوندان نئچه قات آرتيق دير. بورادا بو فرقلری تانيماق اوچون موغاملارين آدلارين بيلمهليييك. آذربايجان موسيقيسينده موغاملارين سايی يئددی و آدلاری بونلاردير : راست ، شور ، سهگاه ، چهارگاه ، بايات شيراز ، شوشتر و همايون. البته بعضی موغام عالملری شوشتر موغامينين يئرينه ماهور موغامين 7 موغامين بيری حساب ائديرلر. ايران موسيقی سينده ايسه موغاملارين سايی يئنهده يئتدی و آدلاری بئلهدير : ماهور ، شور ، سهگاه ، چهارگاه ، راست پنجگاه ، نوا و همايون. موغام صنعتی هر ايكی موسيقيده يالنيز 7 موغامدا خولاصه اولمايير. بلكه اساس موغاملار كناريندا نئچه كيچيك موغامدا ايشلنير. آذربايجان موغام صنعتينده اولان كيچيك موغاملارين سايی راميز ظهرابووون دئديگينه گؤره بئش و آدلاری بئلهدير : 1 - قاتار 2 - رهاب 3 - شهناز 4 - بايات كرد 5 - دشتي. البته نوا موغاميدا آذربايجاندا بير نئچه موغام ايفاچيسی طرفيندن ايفا اولونموشدور. بوناگؤرهده بو موغامين آدين باشقا كيچيك موغاملارين آديله بير گهگتيرمك بلكه دهيئرسيز دئييل . آدلارين چكديگيميز موغاملارين بيری يعنی قاتار راست موغامی عائلهسيندن و بئشی يعنی رهاب ، شهناز ، بايات كرد ، دشتی و نوا شور مايهلی ديرلر. بونلاردان علاوه نئچه باشقا كيچيك موغامدا و اركی يئنهده مستقل شكلده ايفا اولونورلار. بونلارين دؤردو راست موغامی عائلهسيندن حساب اولونورلار و آدلاری بئلهدير : 1 - ماهور هندی 2 – اورتا ماهور 3 - بايات قاجار 4 – دوگاه ، هاله سه گاه موغامی آذربايجاندا اؤزو دؤرد و ارييانت ايله ايفا اولونور بونلار : اورتا سهگاه ، خارج سهگاه ، ميرزا حسين سهگاهی و زابل سهگاهيندان عبارت دير. ايران موسيقيسينه گلديكده آواز آدلانان كيچيك موغاملارين آدلاری : 1 – ابوعطا 2 - بايات تورك 3 - دشتی 4 - افشاری 5 - بايات اصفهان - دان عبارتدير. بونلاردان بايات اصفهان آوازی همايون عائلهسيندن و قالان دؤرد آواز ايسه شور عائلهسيندن حساب اولونورلار. بللی اولدوغو كيمی آذربايجان اساس موغاملارينين بئشينين آدی ايران اساس موغاملارينين آدی ايله عينی دير. بونلار : راست ، شور ، سه گاه ، چهارگاه و همايوندان عبارتدير. شوشتر موغامی ايسه آذربايجاندا 7 اساس موغامدان بيری و ايراندا همايون موغامينين بير شعبهسی ساييلير. بايات شيراز موغامی دا يئنه آذربايجاندا 7 اساس موغامدان بيری و ايراندا بايات اصفهان آوازينين بير گوشهسی ساييلير. ايرانين 7 اساس موغاميندان بيری ساييلان ماهور موغامی آذربايجاندا راست مايهلی كيچيك موغامدير كی ايكی و ارييانتدا ( ماهور هندی و اورتا ماهور) ايفا اولونور. يئنهده ايراندا 7 اساس موغامدان بيری اولان نوا موغامی آذربايجاندا كيچيك موغام ساييلير و ايران نواسی ايله مقايسهده چوخ آز ايفا اولونور. ايران موغامينين آوازلارينا نظر ائتديكده بيرينجی اولاراق ابو عطا آوازی ايله راستلاشيريق آنجاق آذربايجان موغاملاريندا بئله بير آد تاپا بيلمهييريك . موغامچيلارين دئديگينه اساسلاناراق ابوعطا ايله آذربايجان راست موغامينين دلكش شعبهسی اورتاسيندا چوخلو بنزرليك و ياخينليق و اردير. ايرانين بايات تورك آوازی ايسه همان آذربايجان موغامينين راست مايهلی كيچيك موغامی بايات قاجاردير. بونودا خاطرلاماق لازمدير كی بوگون بعضی آذربايجان موغامچيلاری بو موغاما بايات تورك دئييرلر. ايران موغامينين اوچونجو آوازی دشتيدير. بو آواز همين آد ايله آذربايجاندا كيچيك موغاملار مجموعهسينده يئرلشير. بو آوازلارين دؤردونجو سو ايسه افشاری آدلانير. آذربايجان موغاملاريندا افشاری آديله بير موسيقی پارچاسی و اردير. اما بو پارچا ايله افشاری آوازينين فرقی بودور كی ايران موغاملاريندا كی افشاری شور مايه لی بير كيچيك موغامين آدی ، آذربايجاندا ايسه شوشتر مايهلی و 4/2 ريتملی بير ريتميك يا ضرب موغامينين آديدير. بو سری دان بئشينجی آواز بايات اصفهان آوازی دير. بو آواز آذربايجان اساس يئتدی موغاميندان بيری اولان بايات شيراز موغامينين بير شعبهسی ساييلير. آذربايجان موغام صنعتينن اؤنملی بير حصهسی ده ضرب موغاملاردان عبارتدير. ضرب موغامی ، ريتميك بير مئلودييا دان عبارتدير كی ساز يا سازلارلار ايفا اولونور. مغنی ايسه اونون معلوم بؤلوملرينده ، بللی اولونموش مقداردا موغام ايفا ائدير. اونلارين سايی 12 ، آدلاری ايسه بئلهدير : هراتی ، كسمه شكسته ، قاراباغ شكستهسی ، منصوريه ، سماع شمس ، مانی ، آراز باری ، گوللوقافيه ، افشاری ، حيدری ، ريتميك عزال و شيروان شيكستهسي. + yaziçi :Araz در Fri 14 Dec 2007 saat
1:19 |
بوگون بابک آذربایجان میللتینه باش ساغلیغی و ئرمک ایستیر. بو میللتین اولو اولو سیرداشلارینى، اوزانلارینى٬ قوپوزلارینى٬ مودئرنیسمه چاغیریری. بابک بوگون بیزینندیر. اؤلمه يیبدیر . ساوالانین ذیروه سیندن، سهندیمین دوزلریندن سسی گلیر. اوبالارا باش چکیری، خان چوبانلا هارای چکیر، آزادلیغا نور سپه لیر. بابک بوگون هر یئرده دیر. تبریزیمین سیرخابیندان، ائینالینین بولاغیندان، گؤی زنگینین داغلاریندان سسی گلیر. بابک بوگون بیر آینادیر، آذربایجان میللتینین تاریخ بویو کیملیيینی، و ارلیغینی گؤستریری. بابک بوگون بیر بولاغدیر، آخیر داشیر، گؤز تیکیبدير اوفوقلره، قودرت و ئریر سولموش دیله. بابک بوگون دانیشیری. بوگون بیزه بیر میللتین صاباحیندان سؤز آچیری. بیر میللتین آدی سانی، بیر میللتین ايقتيدارینى یاتمیش نسله بیلدیریری. آذربایجان یئرلرینده بابک بوگون بیر بایراقدير. بابک بوتون تاپدالانمیش میللتلرین آتاسیدیر. او زامان کی بابک اؤزونو ظولمه قارشی قوربان ائتدی، او زامان کی خورره میلر بابکیله قارداش اولوب بئیعت ایتدی، بیر میللتین تاریخلرده و ارلیغیندان خبر و ئردی. بذ قالاسی کلئیبرده جوشور داشیر بو گونلرده، آذربایجان دانیشیری اؤز دیلیله، عاشیقلارین سازلاریله، شاعیرلرین سؤزلریله. تورک خالقیمیز سوفره لرینى گئنیش آچیر، پایلاشیرلار چؤره کلرینى گوله گوله. بوگون٬ ساباح اولور اولسون، بابک سؤزو اویانیشدان خبر و ئریر، بیر میللتین و ارلیغییندان سؤز آچیری. بابک یولو ائل یولودور، شانلی یولدور بابک یولو. دوشونجه لر مئیدانیدی بوگون دونیا. قیفیللانان دیللر بوگون اوجالدیبدير اؤز سسینی. سؤزه گلیر٬ دیله گلیر سینمیش میللت. یاساق اولان دیل دانیشیر٬ ایلهام و ئریر سولموش خالقا. اوغور اولسون یولونوزا! + yaziçi :Araz در Fri 14 Dec 2007 saat
1:6 |
چوبا نام ایگیرمی قویون، بئش چپیشیم، آلتی ایتیم وار گئجه مین رنگی قارانلیق، گونومون رنگی قارادیر مسکنیم داغ دوشودور آوادانیم سوویلان، گون قاباغیندا چوروموش کهنه اوبادیر منی بیرده سورونی ایسلاما تاپشیردی قاغام گئتدی ائوه گئجه دیر، چادیر ایچره بورونوب یورقانین آلتدا اویوب ایسلام حاچانی آغزیناجاق زیرنیقیلان دولدوراساندا داشا هر قدری زورون وار چالاساندا یقینیم وار گوزون آچماز گونوزون گرمیجی پایمال ائله یبدیر ال آیاقی گئجه نین شاخداسی دوندوردی قولاقی قوزولار آق، قارا، بز، قیرمیزی، قاشقا پارتلینجاق سود امیب، شاخدادان آمما سیخیلیبلار قوزوداندا یخیلیبلار چن باسیب کوشنی هئچ گوزگوزو گورمور اولاشیر قورتلار اوزاقدان اونلارین سسله رینی ایتله ر آلیب حالدان حاواشدان اکیلیبلر ایشله رین یاخجی بیلیبلر بیر زامان آلتی آغاجلیقدان اگر بیر پاراقی قورت گوریدی سوسدوروب قویروقونی گولله کیمی داغدان آشاردی ولی ایندی... دورت چوبان، یئددی ناخیرچی هره سی آلتی باش ایتلن کئچن هفته کریمین بز دووه سین دونن آخشام ذبینین اوچ چپیشین بیرده بیزیم دایچامیزی جاناوار گلدی آپاردی بیزه یوخ ایتله ره عاردی + yaziçi :Araz در Fri 14 Dec 2007 saat
0:53 |
21 آذر آذربايجانا گوره اونملي بير گون دور ،62 ايل بونان قاباق آذربايجانين غيرتلي ميللتي ايران مملكتينن جعفر پيشه وري رهبرييتيله مختارييت آلميشديلار. بو استقلال بير ايل دوام ائلدي . بو بير ايلين عرضينده يوزلر جه ايش و خيدمت آذربايجان ميللتينه گوستريليب . بو زامان بيز لر او اينسانلارين يادين تازالييخ و هر ايل 21 آذري جشن توتوروخ . بو ايلده حيدر بابا ده رنه گي كوردوستان بيليم يوردوندا بو گونو كوتلاييب و بير مراسيم بو گون اوچون بو بيليم يوردوندا برگزار ائلدي . بوتون تورك اينسانلارا آرتيقلاق آزادليق آرزيليييب و بو يولداشلاريميزا اوغورلار ديليريك. ياشاسين آذربايجانين نهنگ اوغلانلاري + yaziçi :Araz در Fri 14 Dec 2007 saat
0:51 |
قارا باغ حزين،حزين آغليوب سسلنيرم داغ – دره ني بيربير چيخيب انيرم آغلاماقا داغلي سينه گزيرم تبريز دئيب قارا باغدان گليرم قارا باغي ائيله ديلرويرانا ساتاشديلار جانيم آذربايجانا باشدان باشا بوياديلار آل قانا ايندي گئيميش قارا،باغدان گليرم ائرمني لر تالان ائتدي شوشاني باتيرديلار قانا آذربايجاني چيخدي الدن آذربايجان طرلاني اؤز ائليندن آرا،باغدان گليرم قيز دوئولسه گئدر آتا اؤستونه آتا اولسه گئدر آنا اؤستونه آنا اؤلسه چكر قارا اؤستونه يتيم قاليب، قارا باغدان گليرم ائرمني لر اوچولداندا آغدامي مسجيدين ائتد يلر دونوزلار دامي باغيريرام دونيا ائشيتسين هامي وارمي بيزه چاره،باغدان گليرم؟ قارا باغين قان آليبدير اؤزؤني توز بؤرؤيؤب آلا-شهلا گؤزؤني هئچ بيلمئيركيمه دئسين سؤزؤني هاراسي وار؟هارا،باغدان گليرم هارايلئربالاسي اؤلن آنالار آغلئيري آناسي اؤلن بالالار توخدامازحشره جك درين يارالار دؤرد گوشه دن يارا،باغدان گليرم هارداقاليب كوراؤغلؤ تك ايگيديم ستارخان تك آرخا،داياق،اوميديم وار اوميديم بيرقهرماني گؤدؤم خان چوباني ،سارا،باغدان گليرم ايندي سن تك آغلئيرام،خان آراز سو يئرينه سندن آخير قان،آراز گور نه گليبدير باشيوا جان آراز اولان ايكي پارا باغدان گليرم بير سؤزؤم وار عزيز ايرانلي لارا بؤلبؤلي چكديلر باغيندا دارا قلبيمده وار قارا باغدان مين يارا درد اليندن زارا،باغدان گليرم من كافر دگيلم،اهل ايمانام قارا باغ شيعه سي بير موسلمانام گوناهيمدير:توركم،آذربايجانام بو درديدير آشكارا ،باغدان گليرم + yaziçi :Araz در Sun 2 Dec 2007 saat
3:56 |
سلام عزیز دوسلار
کیملیک ده رگیسی کوردوستان بیلیم یوردوندا ۷ینجی ایلینده و ۱۳ نجو ساییندا حیدر بابا توپلومونون چالیشماسینان سیز عزیز لر اوچون گوزل مطالیبینن چاپ اولوندور . بو ده رگینین مطالیبی تئز لینن بو سایتیدا پست اولوناجاق . توپلومون باشچیسی : سیف الله محمد پور مدیر مسئول کیملیک : محمد رحمتی ده ر گی باشچیسی : بهنام امجدی باشقا چالیشانلار : اصغرمحمدی ،سالار قشلاقی ،محمدرضاحاتمی ،هادی حسنی ،عادل عليزاده،احد رحمتی ،حسين حسن نژاد،محمدرضا قاسمی نژاد، روح الله قلی زاده ،فرهاد خليق،نازلی شهيدی ، سميرا اسماعيلی هامیلیغا یورولمایین آذربایجانین ایگیت اولاد لاری + yaziçi :Araz در Sun 2 Dec 2007 saat
3:44 |
تورک اوشاغی فارس مدرسه سینده مدرسه ده موعللیم ینه دوءدویده الیمدن باجار مادیم فارسینی ایراد توتدودیلیمدن دئدیم : آغا موعللیم وورما ، گوینه دی الیم نه دیر آخی گوناهیم تورکودورمنیم دیلیم یا پیشدی قولاغیمدان دئدی : بوراخ تورکونو اوقالدی ائوینیزده اونوت گئتسین کو کونو اوء یره نمه سن آب - بابا آچاجاقسان الینی کو تک ییه ندن سونرا اونودارسان دیلینی سنین هاران تورکدور؟ آذریسن ، آذری کیم او یره دیبدیر سنه بئله یانلیش سوء زلری آخدی گوزومون یاشی تیتره دی دیل - دوداغیم بئله یالان سوزلره اینانمادی قولاغیم آنام منی اویدورماز آتام منی آلداتما ز بو سو زلرین هئچ بیری منیم عاغلیما باتما ز نییه منیم آدیمی سوروشما ییراوئزومدن نییه سوء زون دوزونو اوخوماییرگئوزومد ن هرکس یالان دانیشسا آلاهین دوشمانی دیر من کی یالان دئمیرم بو اونون یالانی دیر لایلای دئیبدیرآنام منه بئشیکده تورکو دانیشمیشق هامیمیز ائوده ائشیکده تورکو نه دن گرک یازمایاق دیلیمیزی کیتابا مدرسه ده نه اوچون گلمه یک بیز حسابا ؟ یقین کوتک یئمزدیم اوخو سایدیم دیلیمی گ ینرتی سخمازدیم قولتو غوما الیمی قوی بو یویوم بیر اوزوم اولاجاغا م موعللیم اوندا چوخ ایش گوره جک بوگون گوینه ین الیم کیلاسیمدان گله جک ائلیمیزن اوز سسی اولاجاقدیر او زمان تورکون ده مدرسه سی + yaziçi :Araz در Thu 16 Aug 2007 saat
20:48 |
تورکون دیلی turkün dili تورکون دیلی تک سئوگلی ایستکلی دیل اولماز Turkün dili tək istəkli dil olmaz ئوزگه دیله قاتسان , بو اصیل دیل, اصیل اولماز Ozgə dilə qatsan bu asil dil asil olmaz ئوز شعرینی فارسا- عربه قاتماسا شاعر Oz şerini farsa- ərəbə qatmasa şaır شعری اوخویانلار. ائشیدنلر کسیل اولماز Şeri oxuyanlarş eşidər kəsil olmaz فارس شاعری چوخ سوزلرینی بیزدن آپارمیش Fars şaıri çox sozlərini bizdən aparmış "صابر" کیمی بیر سفره لی شاعیر, پخیل اولماز Sabir kimi bir sufrəli şaır pəxil olmaz تورکون مثلی فولکلوری دنیادا تک دیر Turkün məsəli fölkolöri dunyada təkdir خان یورقانی, کند ایچره مثل دیر, میتیل اولماز Xan yörqani kənd içərə masal dir mitil olmaz آذر قوشونی, قیصر رومی اسیر ائتمیش Azər quşüni qeysar əsir etmiş کسری سوزودیر بیر بئله تاریخ ناغیل اولماز Kəsra sozuzör bir belə tarix nağil olmazğ پیشمیش کیمی, شعرین ده گرگ داد – دوزی اولسون Pişmiş kimi şerində gərəg dad – düzi oısun کند اهلی بیلرلر کی دوشابسیز خشیل اولماز Kənd əhli bilərlərki döşabsiz xəşil olmaz سوزلرده جواهر کیمی دیر,اصلی بدلدن Sozlərdə cəvahır kimidir əsli bədəldən تشخیص وئرن اولسا بو قده ر زیر- زیبیل اولماز Təşxis verən olsa bu qədər zir zibil olmaz شاعیر اولا بیلمزسن, آنان دوغماسا شاعیر Şaır ola bilməzsən anan doğmasa şaır مس سن, آبالام هر سارای کوینک قیزیل اولماز Məssən abalam hər saray koynək qizil olmaz چوخ قیسا بوی اولسان اولوسان جین کیمی شیطان Çox qisaa boy olsan olusan cin kimi şeytan چوخ دا اوزون اولما که اوزوندا عقیل اولماز Çoxda uzun olmaki uzunda əqil olmaz مندن ده نه ظالم چیخار,اوغلوم, نه قصاص چی Məndən nə zalim çixar oğlum nə qəsasçı بیر دفعه بونی قان کی ایپکدن قیزیل اولماز Bir dəfə bunu gan ki ipəkdən qizil olmaz آزاد قوی اوغول عشقی طبیعتده بولونسون Azad qoy oğul eşqi tabiətdə bulünsün داغ , داشدا دوغولموش ده لی جیران حمیل اولماز Dağ daşda doğülmüş dəli ceyran hamil olmaz اینسان اودی توتسون بو ذلیل خلقین الیندن Insan osi tutsün bu zəlil xəlqin əlindən آلاهی سورسن , بئله اینسان ذلیل اولماز Alahi sevərsən belə insan zəlil olmaz چوق داکی سرابون سویی واریاغ- بالی واردیر Çoxdaki sərabın süyı var yağ – bali vardır باش عرشه ده چاتدیرسا , سراب اردبیل اولماز Baş ərşədə çatdirsa sərab ərdəbil olmaz میلت غمی اولسا , بو جوجوقلار چوپه دونمز Milət ğami olsa bu çocöqlar çopə donməz اربابلار یمیزدان قارینلار طبیل اولماز ərbablar yemizdən qarinlar tabil olmaz دوز واختا دولار تاختا, طاباق ادویه ایله Doz vaxta dolar taxta tabaq ədviyəilə اوندا کی ننه م سانجیلانارزنجفیل اولماز Ondaki nənəm sancilanar zəncəfil olmaz بو «شهریار»ین طبعی کیمی چیممه لی چشمه Bu şəhriyarin təbıikimi çimməli çeşmə کوثر اولا بیلسه دئمیرم , سلسبیل اولماز Kosər ola bilsə demirəm səlsəbil olmaz + yaziçi :Araz در Sat 4 Aug 2007 saat
19:46 |
Qəzənfər Kazımovun «Azərbaycan dilinin tarixi» adlı monoqrafiyasında ulu dilin təşəkkülü və protodillərə ayrılması, protodillərin dialekt parçalanması əsasında dil ailələrinin formalaşması, şumer-türk varisliyi, e.ə. III-I minilliklərdə protoazərbaycan dilinin inkişaf yolu araşdırılmışdır. AMEA-nın Nəsimi adına Dilçilik İnstitutunun elmi seminarında bu kitab geniş dairədə müzakirə edilmişdir. Dilçilər həmin əsər haqqında öz fikir və düşüncələrini müəlliflə bölüşmüşlər. Həmin fikirlərdən birini oxuculara təqdim edirik. yazinin ardi + yaziçi :Araz در Wed 1 Aug 2007 saat
11:59 |
|
Gələcək bizimdir
 desing
|
